أسطورة قدرها

أسطورة قدرها

 

محمد هتخلص الاكل كله ولا اجيبلك امنا الغولة
لازم تغسلي يا حبيبتي سنانك قبل ما تنامي علشان متشوفيش ابو رجل مسلوخة بليل
هو ماشي بيكلم نفسه ليه. – يعيني ده النداهة ندهته
دلوقتي اقدر اقولك عزيزي القارئ من غير سحر ولا شعوذة انك سرحت فأيام الطفولة الجميلة ايام لما كانت اكبر مخاوفك ان الاكل ميجريش وراك يوم القيامة او ان الاكل مينزلش في ركبك كل الاساطير اللي حضرتك بتضحك عليها دلوقتي جزء من موروثتنا الشعبية ومن ثقافتنا القديمة وعلي فكرة مش احنا بس كمصريين او كعرب اللي عندنا الاساطير دي متستغربش موجودة فكل حتة في العالم بس بتختلف من ثقافة لثقافة ومن بلد لبلد تخيل معايا ان النداهة المصرية “امرأة فاتنة الجمال لها صوت معسول تغوي الرجال وتسحرهم بصوتها حتي تقتلهم او تغرقهم” موجودة برده في الثقافة الخليجة بس باسم ام الدويس وهنلاقيها برضه فالثقافة الاسبانية ولكن باسم لا لورونا وفي اليونان باسم عروس البحر وطبعا اشهر اسم ليها في المغرب العربي عيشة قنديشة شايفك دلوقتي وانت قاعد لوحدك وخايف بس لا تقلق عزيزي القارئ الاكل مش هيجري وراك يوم القيامة
كتير من الكتاب وجدوا في الاساطير دي والمورثات الشعبية مادة خصبة للرويات والكتب ومنهم اللي استغل الكتابات دي عشان يحارب الاساطير دي اويوضح حقيقتها

ومنهم الكاتب الذي جعل الشباب يقرأون دكتور احمد خالد توفيق في سلسلة الشهيرة “ما وراء الطبيعة” لو انت لسه مقرتش السلسلة خلص البوست واقوم اقرها بدل مانت قاعد مستني الاكل ينزل فركبك ولو انت مش فاضي متنساش ان نت فيلكس هتعرض مسلسل بارانورمال يوم ٣ نوفمبر وده مسلسل مأخوذ من السلسة العظيمة دي وفكلا الحالتين لازم تتابع الصفحة الفترة الجاية عشان نتعرف اكتر عن الاساطير دي وطبعا عشان نجاوب علي السؤال اللي بيدور فدماغك من اول البوست لو الاكل مش هينزل فركبي اومال هيروح فين؟؟

#اسطورة_قدرها