عايز أتعلم صيني

عايز أتعلم صيني

 

وسط زنقة الإمتحانات أو ضغط الشغل في الوقت ده بنفكر في كل الحاجات اللي نكتشف إننا عايزين أو مش عايزين نعملها (نتعلم صيني -العجلة – نحرر القدس) أي حاجة غير إننا نذاكر أو نشتغل

طب إيه السبب ؟

عقلنا لما بيحس بالضغط – اللي هو بالمناسبة شعور مؤلم جدا بالنسباله – بيميل إنه يبعد عن الشعور ده ويحس بالإنجاز و يشعر بالسعادة حتى لو كانت وهمية أو خارج دائرة التأثير

طب أعمل أيه

الصح و الصحي إننا مانوصلش لمرحلة الزنقة وده عن طريق الإدارة السليمة للوقت وده له أساليب وطرق كثير ولكن فرضاً إننا وصلنا للمرحلة دي كل اللي علينا دلوقتي إننا نبدأ بس كده أيوه إبدأ في الحاجة المهمة وسجل أفكارك الجانبية في مكان علشان تقدر ترجعلها بعدين افتكر دايما إن الخطوة الأولى صعبة ولكنها مفتاح لباقي الخطوات , قلل المشتتات اللي حواليك علي قد ماتقدر و بالتالي هتقلل جهد مقاومتك ليها و الأهم من كل ده إنك حتى وسط الضغط افتكر دايما تقسم مهامك لأجزاء أصغر مابينهم فترات راحة مناسبة لحجم المهمة وصعوبتها

وبس كده

خليك دايماً فاكر “أنك تكتب لنفسك فرجاءً كن صادقاً مع نفسك في مناقشة وشرح وعرض كل ما يدور في رأسكخليك دايما فاكر “أن ما لا يدرك كله لا يترك كله” و “أن خير الأعمال أدومها وإن قل “