عارف اللي فيها؟
“ما بعرفش أقول كلام حلو” أو “أنا رجل أفعال” سمعت الجملة دي كام مرة عدم التقدير أو قلته بيكون غالبا سبب في فشل أغلب علاقات الصداقة والشغل وحتى الأرتباط والسبب بيكون جاهز وواضح “ده طبعي” أو “أنا كده “
التقدير والكلمة الطيبة بيكونوا حافز لأي حد إنه يكمل ويبذل أقصى ما عنده في الشغل أو العلاقة كلمة شكرا البسيطة دي بتعمل معجزات
كلمة جميل أو عااش حقيقي بتحسس اللي قدامك إنك مهتم وواثق فيه وكمان بتدعمه وده كافي إنه يحفزه إنه يشتغل و يبدع
طب أعمل إيه
- “اطرق الحديد وهو ساخن” متأجلش الكلام الحلو بحجة الإنشغال أو غيره قول الكلمة الحلوة لما تحسها هو ده وقتها المناسب
- الكلام طالما من القلب ضروري هيوصل للقلب فماتقلقش من قلة الكلام أو ركاكة التعبير طالما حاسس كل كلمة بسيطة بتقولها
- الكلمة الطيبة مش حكر علي الناس الغريبة بس الكلمة الطيبة بتكون للقريب وللبعيد والتقدير واجب لكل من يستحقه
- الكلمة الطيبة والتقدير مش نفاق طالما انت حاسس ومؤمن بكل كلمة بتقولها
- التقدير مش شرط كلام ولكن الكلمة الطيبة ليها دور كبير فيه ممكن تكون كلمة شكرا بتتقال بصدق أحسن من هدية هدفها النفاق او الرياء
وبس كده
خليك دايما فاكر أن الكلمة الطيبة صدقة و أن جبر الخواطر عبادة