فاشل بنجاح
رسب ف 22 مادة في الجامعة ويعمل الأن في جوجل او رسب في الجامعة وامتلك شركته الخاصة لو شوفت الكلام ده قبل كده او شيرته في الكلام ده ليك 😊 خلينا في البداية متفقين إن الفشل مش شرط للنجاح ولكنه شرط للتعلم في حد ذاته ولكن هل تتكرار الفشل بدون أي تغيير مابضمنش النجاح أو حتى التعلم تخيل معايا كده إننا بنحاول نولع نار باستخدام مسدس مياه هل محاولاتي هتنجح ؟ أكيد لا حتى لو كررت المحاولة ؟ حتى لو كررتها ولكن لو انا من أول مرة فشلت فيها فكرت شوية وعرفت ان مش دي الطريقة المناسبة أكيد كان هيوفر عليا وقت وتعب ومجهود
طب أعمل إيه
- حلل الموقف بطريقة تعرف منها أسباب الفشل أو الأخفاق ده بشكل حيادي وموضوعي
- ادرس كل سبب واعرف ممكن نتعلم منه إيه وممكن نعمل إيه عشان نمنع تكراره
- اسئل ناس مروا بنفس السبب أو المشكلة واعرف تخطوها إزاي ,اقرأ وابحث عن السبب أكتر جمع كل المعطيات دي وحللها وفكر فيها
- حدد خطتك عشان تعالج الأسباب دي وقسمها لمراحل بسيطة تقدر تتابعها وتتبع فيها تطورك
- فشلت ,اتعلمت و اتطورت ؟ يبقي ارمي نفسك في البحر جرب تاني ايه أسوء حاجة ممكن تحصل سؤال لازم دايما يكون قصادك
- لازم تكون عارف ان الناس في الغالب بتحب تشارك لحظات النجاح والتميز والتألق اكتر من لحظات الفشل فما تشغلش نفسك بانجازات الاخرين وتألقهم وركز علي هدفك وفشلك
وبس كده
خليك دايما فاكر إن المعادلة عمرها ما كانت فشل + فشل + فشل = نجاح المعادلة الصح بتكون فشل + تعلم + تطور = نجاح