كل سنة وإنت منسي
بما إن كأس العالم واخد الأنظار اليومين دول والرجالة مبسوطين عشان ده الموسم اللي بياخدوا راحتهم وينبسطوا فيه فـ حبينا نفكرك صديقي المنسي ونقولك كل سنة وإنت طيب.
اللي كتير ميعرفهوش هو إن شهر نوڤمبر هو شهر “الرجالة” Movember month وكـ منصة نفسك بقالنا كتير عايزين نشارك معاكم مواضيع كتير تخص الصحة النفسية للرجالة لأن القضية دي مهدور حقها كتير في المجتمع من الرجالة بذات نفسهم!
فضفضة وشكوى = ضعف، والراجل عمره مايكون ضعيف وطبعاً القانون المجتمعي الثابت بيقول طالما أنت مابتتكلمش ومابتشتكيش يبقى أنت كويس وبخير ومش مظلوم وبالتالي أنت واخد كل حقوقك ومش هنقبل بأي تقصير.
خلال الكام يوم اللي جايين هنشارك معاكم كامبين “طلع مشاعرك تفك”، كامبين لذيذة كده هنناقش فيها مع شخصيات مختلفة مواضيع مهم نتكلم عنها خاصة بالصحة النفسية للرجالة.
#نفسك #صحتك_النفسية_مش_رفاهية