سمك وسجاد وقليل من المينتوس
حصل معاك قبل كده إنك تكون راجع من مشوار مهدود ومستني توصل البيت عشان ترمي نفسك على السرير وتاكل رز بلبن مع الملايكة ولكن أول ما تحط راسك على المخدة مفيش حاجة بتحصل ؟ طب بلاش فاكر لما بيبقي وراك حاجة مهمة ولازم تنام بدري وفي الأخر بتفضل قاعد ت scroll وتتفرج على فيديوهات ال mentos والسمك أو فيديوهات الطبخ وتنضيف السجاد في الوقت الحالي ومع دخول ليالي الفاينل الحزينة بتظهر قدامنا مشكلة مشتركة ألا وهي الأرق أما الآن إليك عزيزي الطالب وعزيزتي الطالبة في البوست ده هنعرض لكم بعض الحلول اللي ممكن تخفف من الأرق و مشاكله مبدأيا وقبل أي” كلام تحذير هام جدا ” ما تسخدمش اي عقار منوم ومهدئ بدون استشارة طبيب متخصص حتى وإن حسيت بتحسن بعد استخدام الدواء ده
- من أهم الحلول اللي ممكن تقلل الأرق هو إنك تمنع استخدام الموبايل أو اللابتوب قبل النوم على الأقل بساعة رغم إنه حل صعب ولكن يستحق التجربة
- من الحلول الفعالة برضه إنك تخلي السرير أو الأوضة اللي فيها السرير للنوم بس
- حاول تخلي في ميعاد ثابت للنوم يوميا
- حاول على قد ما تقدر تقلل من المشروبات اللي فيها كافيين بكل أنواعها قبل النوم على الأقل ب 3 ساعات
- حاول تعمل حاجة مريحة ليك تساعدك على النوم زي إنك تسمع مزيكا هادية أو تقرأ كتاب
- حاول تخلي الأوضة اللي بتنام فيها على قد ما تقدر تكون ظلمة وتكون مريحة
وفي الأول وفي الأخر الأرق في الغالب مشكلة عرضية مش دايمة ممكن يكون سببها الضغط العصبي أو التوتر أما لو زادت عن حدها الطبيعي فده هيستدعي انك تستشير طبيب و أما لو فعلا مش جايلك نوم دلوقتي ممكن ت scroll في صفحتنا واكيد هتلاقي حاجة هتعجبك
قولنا في الكومنتات بتعمل ايه لما بيجيلك أرق؟
#نفسك #صحتك_النفسية_مش_رفاهية